Կոնտակտներ

ՀՀ, Երևան, 0019
Բաղրամյան պող., 24/2,
հեռ. / ֆաքս. (+374 10) 523604
Էլ. փոստ: officeawhhe@awhhe.am

ruhyen

2011

2011թ. դեկտեմբերի 26-ին կազմակերպության անդամներն այցելեցին Մարի Իզմիրլյանի անվան մանկատուն` շնորհավորելու երեխաների Ամանորը և Սուրբ Ծնունդը: Երեխաներն անչափ ուրախ էին ոչ միայն նվերների, այլև ընձառյուծին և պանդային տեսնելու համար:

2011թ.-ի հոկտեմբերի 13-ին Հայաստանում Ճապոնիայի դեսպանատան տնտեսական բաժնի երկրորդ քարտուղար Միզուկի Սուգիտանին այցելեց Արարատի մարզի Դիտակ համայնք` գյուղի միջնակարգ դպրոցի վերանորոգման աշխատանքների արդյունքներին ծանոթանալու նպատակով: Հյուրին հանդիսավոր պայմաններում  դիմավորեցին դպրոցի տնօրեն Սարգիս Հովհաննիսյանը, համայնքի ղեկավար Սուրեն Սրապոյանը, դպրոցի ուսուցիչները, սաները, <<Հայ կանայք հանուն առողջության և առողջ շրջակա միջավայրի>> (ՀԿՀԱԱՇՄ) անդամներ Լիլիկ Սիմոնյանը, Էմմա Անախասյանը  և Քնարիկ Գրիգորյանը: Միջոցառմանը  մասնակցում էին նաև լրագրողներ և մարզային հեռուստատեսության աշխատակիցներ, հյուրեր տարբեր շահագրգիռ կազմակերպություններից: Այցի ավարտին Ճապոնիայի դեսպանատան ներկայացուցիչը հայտնեց իր գոհունակությունը կատարված շինարարական աշխատանքներից և կիսեց իր տպավորությունները կազմակերպված միջոցառման վերաբերյալ:

 60-ամյա վաղեմություն ունեցող դպրոցի մասնակի վերանորոգումն իրականացվել է Ճապոնիայի կառավարության տրամադրած 104 հազար դոլար օժանդակության շնորհիվ, ՀԿՀԱԱՇՄ-ի վերահսկողությամբ իրագործված <<Դիտակ գյուղի դպրոցի վերանորոգման համար>> նախագծի շրջանակներում: Դպրոցի վերանորոգմանը ֆինանսական աջակցություն են ցուցաբերել նաև շվեյցարական <<Ֆոնդասիոն սուղիղ վեղ լավենիղ>> (Sourire vers l’Avenir Foundation) հիմնադրամը (2000 եվրո) և ՀՀ կառավարությունը (համաձայն 3 փետրվարի 2011թ. թիվ 108 Ն որոշման), սակայն դպրոցի հիմնանորոգման համար պահանջվում է ևս մոտ 40 մլն. ՀՀ դրամի աջակցություն: Մինչ այժմ ՀԿՀԱԱՇՄ — ին չի հաջողվել հայթայթել նշված գումարը, ուստի ուզում ենք հուսալ, որ այն կազմակերպությունները, որոնք հետաքրքրված են այս խնդրով և կարող են օգնել, օգնության ձեռք կմեկնեն:                  

 1b  2b  3b

 4b  5b  6b

2011թ.-ին ՀԿՀԱԱՇՄ կազմակերպությունը դարձավ Քլինթոնի Գլոբալ նախաձեռնության անդամ և մասնակցեց տարեկան ժողովին:

ՀԿՀԱԱՇՄ-ի հանձնառությունը
ՀԿՀԱԱՇՄն ընդունեց <<Թույներից ազատ ապագա. Ոչ արգելված և ժամկետանց թունաքիմիկատներին>> հանձնառությունը, որը նախատեսում է քարոզարշավի անցկացում`նպատակաուղղված մինչև 2017թ.-ը Նուբարաշենի թունաքիմիկատների գերեզմանոցի վնասակար արգելված և ժամկետանց թունաքիմիկատների վերացման ուղղությամբ լուծումների մշակմանը և դրանց իրականացմանը: Այս հանձնառության սահմաններում նախատեսված գործողությունները ներառում են` գերեզմանոցի ռիսկի գնահատումը, կառավարության ղեկավարների հետ քաղաքականության վերաբերյալ երկխոսությունները, իրենց վրա գերեզմանոցի ազդեցության հետևանքները կրող համայնքերի շրջանում իրազեկության բարձրացումը և համապատասխան պետական կառույցների, համայնքի անդամների և գործարար կազմակերպությունների ուսուցումը: Նշված միջոցառումներր ուղղված են լինելու պատշաճ քիմիական անվտանգության ապահովմանը` շեշտը դնելով գյուղատնտեսության և դեպի օրգանական հողագործություն անցում կատարելու վրա:

Քլինթոնի Գլոբալ նախաձեռնության մասին
Հիմնադրվել է 2005թ.-ին նախագահ Բիլ Քլինթոնի կողմից: Քլինթոնի Գլոբալ նախաձեռնությունը (CGI) հրավիրում է աշխարհի տարբեր երկրների առաջնորդներին`աշխարհում ամենից առաջնահերթ խնդիրներին լուծումներ գտնելու և դրանք իրականացնելու համար: 2005թ.-ից սկսած CGI-ի տարեկան ժողովներին մասնակցել են մոտ 150 պետությունների ներկայիս և նախկին ղեկավարներ, Նոբելյան մրցանակի 18 մրցանակակիրներ, հարյուրավոր առաջատար     գործադիր տնօրեններ, հիմնադրամների տնօրեններ, բարեգործներ, հայտնի ՀԿ-ների տնօրեններ, ԶԼՄ-ների ակնառու դեմքեր: CGI-ի անդամներն արդեն ստանձնել են մոտ 2000 պարտավորվածություն, որոնց կատարման արդյունքում ավելի քան 180 երկրում բարելավվել է 300 մլն մարդու կյանք: Այդ հանձնառությւոնների լրիվ ֆինանսավորման և իրականացման պարագայում, արժեքը կգերազանցի 63 մլրդ ԱՄՆ դոլարը:

2011թ.-ի տարեկան ժողովը տեղի ունեցավ սեպտեմբերի 20-22-ը` Նյու Յորք Սիթիում: Այս տարի CGI-ը կազմակերպել էր <<CGI Ամերիկա>> հանդիպումը, որի ուշադրության կենտրոնում եղել է Միացյալ Նահանգների տնտեսական աճին նպաստող գաղափարների մշակումը: Քլինթոնի Գլոբալ նախաձեռնությունը ներառում է նաև <<CGI համալսարանը>>, որը տարեկան ժողովներ է գումարում ասպիրանտ ուսանողների և շրջանավարտների համար, ինչպես նաև <<CGI Առաձջնորդությունը>>, որում ներգրավված է CGI-ի երիտասարդ անդամներից բաղկացած ընտրովի խումբը` առաջնորդության զարգացման և կոլեկտիվ հանձնառություններ ընդունելու համար: Առավել մանրամասն տեղեկատվության համար, այցելեք www.clintonglobalinitiative.org կայքը:

CGI 2011 Photoline

Ստոկհոլմի կոնվենցիայի 10-րդ տարեդարձին նվիրված միջազգային համաժողով

31, Մայիս, 2011,
Ծախկաձոր, Հայաստան 

Presentations:
foto (40)
Photos taken by Jan Losenicky. Arnika Association.

 

William Hanlon, Economic and Environmental Officer
OSCE Office in Yerevan

Jan Šamánek
Arnika – Toxics and Waste Programme

Eugeniy Lobanov
Center for Environmental Solutions

Լիլիկ Սիմոնյան
ՙՀայ կանայք հանուն առողջության ևառողջ շրջակա միջավայրի՚ հկ

ՀՀ Արտակարգ Իրավիճակների նախարարություն

Jindrich Petrlik
Arnika – Toxics and Waste Programme

ՀՀ գյուղատնտեսության նախարարություն
Կարինե Եսայան

Ing. Jana Mikulášková
Arnika Association

Vendula Krcmarova, Arnika, Czech Republic

Alan Watson
Senior Scientific Advisor International POPs Elimination Network
Public Interest Consultants